Ministria e Shëndetësisë: Kemi pasur 8 raste të dyshuara, rezultuan negative

Tiranë | Nisur nga situata alarmante e shkaktuar lidhur me koronavirusin, ditën e sotme, Ministria e Shëndetësisë ka dalë në një deklaratë për mediat. Nëpërmjet Eugena Tominit, nga IShP, ministria informoi se deri më tani në Shqipëri nuk është regjistruar asnjë rast me koronavirus.

Tomini u shpreh se deri më tani kanë qenë në total 8 raste të dyshuara me këtë infeksion, por se pas kryerjes së analizave të gjitha këto raste kanë rezultuar negative.

Deri në këto momente nuk ka asnjë rast të konfirmuar me Covid-19. Deri në mbrëmjen e djeshme janë testuar 8 raste të dyshuar dhe kanë rezultuar negativ në Institutin e Shëndetit Publik. Theksojmë se diagnoza e koronavirusit kryhet vetëm nga laboratori i virologjië. 

Nga survejanca e përforcuar në të gjitha pikat kufitare, janë vlerësuar 4700 historik udhëtimi nga vendet e prekura me infeksion komunitar. Rekomandojmë për këta persona, që kanë historik udhëtimi në zonat me infeksion komunitar, dhe që kanë shfaqur shenja gripi, të njoftojnë autoritet. Theksojmë dhe njëherë shtimin e masave hijeno-sanitare. 

Më tej, Tomini u shpreh se Ministria e Shëndetësisë po monitoron shitjen e maskave në treg, pas njoftimeve për abuzim me çmimin e tyre.

Tregu farmaceutik operon në mënyrë private, ne po e monitorojmë situatën në fjalë të shitje së maskave. Kemi eksperiencën mjaft të mirë të rasteve që kanë ardhur nga Kina. Ne i kemi vlerësuar këto raste siç është vetëkarantinimi. Çdo linjë e ardhur nga Italia monitorohet dhe vlerësohet në bazë të masave të rekomanduara nga OBSH. Udhëtarët kanë marrë udhëzimin e duhur për vetëkarantinim. 

Në të gjithë sistemin shkollor janë marrë masat e duhura për të shtuar masat hijeno-sanitare. Është përgjegjësi e çdo institucioni arsimor për të monitoruar situatën hijeno-sanitare.  Është një infeksion respirator që transmetohet nëpërmjet spërklave. Edhe kjo virozë në vazhdimësi do të ketë një tendencë ulje. Realisht ka disa kritere për të vendosur nëse ky pacient duhet të testohet apo jo. 

/Bulqiza.info/

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu