Raportuesja për Kosovën i përgjigjet ambasadorit amerikan: Si mund të kënaqeni me rënien e një qeverie në kohë pandemie?

Bruksel | Raportuesja në Parlamentin Evropian për Kosovën, Viola von Cramon-Taubadel, ka folur rreth situatës politike në Kosovë, duke i reaguar edhe ambasadorit amerikan në Kosovë, Philip Kosnett pas deklaratës se është i kënaqur për mbajtjen e seancës për mocionin.

Eurodeputetja gjermane pyet se si mundet ambasadori Kosnett të jenë i kënaqur me rënien e një qeverie funksionale në kohë pandemie.

Viola von Cramon-Taubadel shprehet përmes një postimi në Twitter se i vjen keq për qytetarët e Kosovës, duke thënë se nuk e meritojnë këtë.

“Një autogol i SHBA-së në Kosovë me një dimension historik… Si mundeni ju, ambasador, të jeni të kënaqur të shihni rënien e një qeverie funksionale gjatë pandemisë me koronavirusin? E pabesueshme. E papërgjegjshme. Ndihem shumë keq për qytetarët e Kosovës. Ata s’e meritojnë këtë”.

/Bulqiza.info/

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu