Situata e rëndë e shkaktuar nga reshjet; Bashkia Bulqizë vë në dispozicion të qytetarëve shërbim publik falas

BULQIZË – Nisur nga situata e vështirë e krijuar pas reshjeve të ditëve të fundit, Bashkia Bulqizë njofton se ka vendosur në dispozicion të qytetarëve dy automjete për transport publik falas, në linjën Qytet i Ri – Qytet i Vjetër dhe Qytet i Vjetër – Qytet i Ri.

Përmes një njoftimi për shtyp, Bashkia Bulqizë bën me dije se ky shërbim do të ofrohet gjatë gjithë ditës, nga mëngjesi deri në mbrëmje, brenda orareve të lejuara për lëvizjen e lirë të qytetarëve gjatë kohës së pandemisë, si edhe do të vazhdojë deri në përmirësimin e situatës.

Ndërkohë, automjetet do të nisen nga stacionet e urbanëve.

/Bulqiza.info/

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu