Drejtori i gjermanëve, Sebastian Kehl i vë vulën: Erling Haaland qëndron te Borussia Dortmund

Erling Haaland u fut shumë shpejt në arenën e madhe të futbollit dhe brenda pa muajsh nga shpërthimi i tij, Borussia Dortmund operoi shpejt dhe e bleu nga Salzburg.

Pas kësaj, klubet më të mëdha në Europë e duan me patjetër yllin norvegjez dhe po negociojnë me agjentin e tij, Mino Raiola, që kërkon t’i gjejë sa më shpejt një klub që lufton për çdo trofe.

Megjithatë, duket se kjo nuk do të ndodhë këtë verë. Drejtuesit e Borussia Dortmund janë të bindur se nuk e lejojnë shitjen e 20-vjeçarit në merkaton e ardhshme dhe këtë e konfirmon edhe një herë drejtori sportiv i Borussias, Sebastian Kehl.

“Mund t’ju them se Erling Haaland do të luajë me Borussia Dortmund sezonin e ardhshëm. Jam plotësisht i bindur. E shoh atë çdo ditë në stërvitje dhe jo vetëm dhe mund të konfirmoj se ai identifikohet plotësisht me klubit”, shprehet Kehl.

/Bulqiza.info/

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu