Do habiteni! Instagram sjell risinë e re për disa prej përdoruesve, çfarë mund të bëni ndryshe?

Instagram vazhdon të mbetet një nga rrjetet më të përdorura nga të rinjtë në vend dhe më gjerë.

Së fundmi platforma online ka ardhur me disa risi të reja, duke u mundësuar disa përdoruesve një opsion shtesë. Bëhet fjalë për butonin ‘Pin’, i cili shërben për mbërthimin e një postimi të caktuar në krye të profilit.

Duke qenë se është akoma një opsion në testim, jo të gjithë personave u është shfaqur. Por atyre që u është shfaqur shikojnë opsionin ‘Pin to your profile’, i cili u mundëson që të mbërthejnë tre nga postimet e tyre më kryesore.

“Ne po testojmë një veçori të re që i lejon njerëzit të shtojnë postimet në profilet e tyre,” tha një zëdhënës i Meta për TechCrunch.

Kjo mund të jetë një mënyrë e mirë për t’i treguar njerëzve se kush janë postimet kryesore në profilin tuaj.