I FUNDIT/ Gjenden 1600 mina

FERIZAJ– Rreth 1 mijë e 600 copë mina janë gjitur ditën e sotme nga Forca e Sigurisë së Kosovës (FSK), në Parkun e Lirisë në Ferizaj.

Sipas ministrit të Mbrojtjes, Armend Mehaj, në Parkun e Lirisë në Ferizaj është hasur një sasi e madhe e municionit ku përfshihen predha të mortajës e artilerisë, të mbetura aty që nga Lufta e Dytë Botërore.

“Heronjtë tanë vazhdojnë misionin e shenjtë për Kosovën, çdo ditë e më të sigurt nga mjetet e pashpërthyera.

Specialistët tanë të deminimit  janë duke kryer operacionet e pastrimit në Parkun e Lirisë në Ferizaj, ku kanë hasur në një sasi të madhe të municioneve eksplozive të llojeve dhe kalibrave të ndryshëm.

Rreth 1600 copë municioneve të gjetura që përfshijnë predha të mortajës dhe artilerisë, të mbetura kryesisht nga Lufta e Dytë Botërore nuk do të paraqesin më rrezik për qytetarët tanë. 

Kompania e Deminimit do të vazhdoj me përkushtim të lartë deri në pastrimin e të gjitha fushave të rrezikshme me mina dhe municione eksplozive.

Vazhdojmë drejtë sukseseve të radhës!”,  shkruan Mehaj.