E PLOTË/ Aksidenti i rëndë në Bulqizë, 22-vjeçari me urgjencë në spital (Video)

BULQIZË – Një aksident i rëndë u regjistrua pasditen e sotme në Bulqizë, në aksin rrugor Fushë Bulqizë-Shupenzë.

Nga informacionet që kemi përcjellë deri më tani, në aksident u përfshi një automjet tip ‘Audi’ me targa ‘AB 051 ID’, i cili drejtohej nga 22-vjeçari Ramadan Meta. Ky i fundit si pasojë e aksidentit mori lëndime të rënda trupore, dhe fillimisht u dërgua për ndihmë në spitalin e Bulqizës.

Më pas pritet që ai të niset drejt spitalit të Traumës në kryeqytet, ku do t’i nënshtrohet kujdesit të mjekëve. Sipas Policisë, aksidenti ndodhi pasi drejtuesi i automjetit humbi kontrollin mbi të, dukë përfunduar jashtë rrugës.

Njoftimi i Policisë:

Bulqizë/Informacion paraprak:

Rreth orës 16:10 në aksin rrugor Fushë Bulqizë-Shupenzë, shtetasi R.M., duke drejtuar automjetin tip “Audi”, ka humbur kontrollin mbi drejtimin e mjetit dhe mjeti ka dalë nga rruga.

Si pasojë ka mbetur i lënduar drejtuesi i mjetit i cili është dërguar për ndihmë mjekësore në spital. Në vendngjarje ndodhet grupi hetimor, i cili po punon zbardhjen e rrethanave të aksidentit.